E lë Gjermaninë për Shqipërinë

Foto: ATSH

Derisa shumë shqiptarë kanë vendosur të largohen nga vendi, mjekë me eksperiencë në spitalet evropiane vazhdojnë të zgjedhin Shqipërinë për të ushtruar profesionin e tyre.

Një ndër këta mjekë është edhe Blerta Deda, e cila ka punuar prej vitesh në spitalin Marien-Krankenhaus, në Siegen të Gjermanisë.

Ministrja e Shëndetësisë dhe Mbrojtjes Sociale e Shqipërisë, Ogerta Manastirliu, bën të ditur se “Deda është rikthyer për të shërbyer në Shqipëri dhe sot është pediatre në Qendrën Shëndetësore nr. 1 në Tiranë”, transmeton “ATSH”.

Qeveria shqiptare përmes Ministrisë së Shëndetësisë vijon mbështetjen për mjekët, ndërsa gjithë vëmendjen e ka drejtuar për t’i ofruar një shërbim më të mirë qytetarëve, përcjell albinfo.ch.