Kryetari i Ferizajt takohet me krerët e komunës Carouge të Gjenevës

Kryetarja De Haller dhe kolegët e saj e kanë mirëpritur me kënaqësi ftesën e bërë nga mysafirët nga Kosova për ta vizituar Ferizajn

Kryetari i komunës se Ferizajt, Agim Aliu, i shoqëruar nga drejtoresha për urbanizëm, Qazime Vata, drejtori për shëndetësi dhe çështje sociale, Bashkim Hyseni janë pritur të enjten nga krerët e komunës Carouge të Gjenevës. Delegacioni nga Ferizajt është pritur nga kryetarja e komunës Carouge, Jeanine de Haller, dhe zyrtarë tjerë të qeverise komunale Nicolas Walder, Stephanie Lamar dhe me sekretarin e përgjithshëm, Manuel Schule.

Dy kryetarët kanë biseduar për bashkëpunimin komunal në ndërkohë që kryetarja De Haller dhe kolegët e saj e kanë mirëpritur me kënaqësi ftesën e bërë nga mysafirët nga Kosova për ta vizituar Ferizajn. Delegacioni nga Ferizajt ka vizituar shërbimin urban, policinë, zjarrfikësit dhe mbrojtjen civile të qytetit Carouge. Vizita e delegacionit të Ferizajt është organizuar nga Ambasada e Kosovës në Bernë, ndërsa në të gjitha këto takime delegacioni nga Ferizaj ka qenë i shoqëruar nga ambasadori kosovar, Naim Malaj dhe sekretari i parë i ambasadës, Rexhep Bajraktari.

Te premten, më 12 prill, në ora 18, delegacioni nga Ferizaj do të zhvillojë një takim me bashkatdhetarët në Gjenevë, bëhet e ditur në një njoftim të Ambasadës së Kosovës në Bernë.