Rritje e ngadaltë e punësimit në BE

Punësimi në Bashkimin Evropian dhe në Eurozonë në tremujorin e tretë u rrit me 0.2 për qind, krahasuar me tre muajt e mëparshëm dhe rritja e punësimit u ngadalësua çdo vit, sipas vlerësimeve të para të Entit Statistikor Evropian, përcjell albinfo.ch.

Ritmi i rritjes së punësimit në të dyja zonat është më i dobët se në tremujorin e mëparshëm, kur ishte raportuar 0.4 për qind, sipas llogaritjeve të Eurostat.

Çdo vit, sipas vlerësimeve paraprake të Eurostat, numri i përshtatur sezonal i të punësuarve në BE u rrit me 1.2 për qind në tremujorin e tretë, pas rritjes prej 1.4 për qind në periudhën prill-qershor.

Në Eurozonë, numri i të punësuarve u rrit me 1.3 për qind në periudhën nga korriku deri në shtator, pas 1.5 për qind rritje në tremujorin e dytë.

Raporti i plotë mbi të dhënat e shteteve anëtare do të publikohet më 7 dhjetor, sipas Zyrës Evropiane të Statistikave, përcjell albinfo.ch.