“Dhuro një lule për Sarandën”

Më 7 nëntor, u mblodhën të rinj nga Saranda që jetojnë në Tiranë, por dhe të rinj nga Diaspora, Tirana, Durrësi, Vlora, Korça, Dibra, Kosova që ju bashkuan nismës.

Do të bëjnë çdo përpjekje të mundshme që të ndërtojnë një model frymëzimi edhe për qytetet e tjera duke mbjellur disa qindra pemë dekorative.

Organizatorët i bëjnë thirrje edhe diasporës që të kontribuojnë në këtë aspekt, përcjell albinfo.ch.

“Kontribuo për një lule ose pemë. Sa të kesh mundësi. Një lule apo pemë e dhuruar për Sarandën është një kontribut që kjo nismë të ketë sukses e të frymëzoj edhe të tjerë të rinj për ta kthyer në model dashurie për çdo pëllëmbë të vendit tonë. Edhe duke e SHPËRNDARË mund të ndihmosh”, shprehën organizatorët.

Koordinatore për diasporën është A. Hoti.