Arrestohet sekretarja e Oliver Ivanoviqit

Policia gjatë ditës së sotme ka arrestuar ish- sekretaren e politikanit serb në Kosovë, Oliver Ivanoviq I cili u vra në janar të këtij viti.

Pak ditë pas arrestimit të katër personave të tjerë në lidhje me këtë rast, mediat kanë raportuar se gjatë ditës së sotme është arrestuar edhe sekrektarja e Ivanoviqit, nën dyshimet e manipulimeve të kamerave të sigurisë.

Edhe prokurori Sylë Hoxha e ka konfirmuar për mediat vendore arrestimin e të dyshuarës.

“Ajo është arrestuar sot dhe do të shohim. E kam lëshuar vendimin për ndalim dhe duhet të analizoj shkresën për paraburgim. Ajo është arrestuar ashtu sikur të tjerët. Kjo ka qenë zyrtare në zyrën e Oliver Ivanoviqit, është paguar sikur administratore. Ne dyshojmë se ka manipuluar me kamerat e sigurisë”, tha prokurori special Sylë Hoxha.