Maqedoninë e ka braktisur 10 për qind e popullatës

Sipas Eurostat, Shqipëria është vendi me përqindjen më të lartë të emigracionit në Ballkan. Sipas Bankës Botërore, rreth 45 për qind e popullatës janë në emigracion

Vetëm brenda 15 viteve të fundit, më shumë se 230 mijë qytetarë të Maqedonisë kanë braktisur vendin, që i bije rreth 10 për qind e popullsisë së përgjithshme. Këto të dhëna janë publikuar nga Shërbimi për statistikë i Bashkimit Evropian-Eurostat. 

Sipas kësaj të fundit, nga viti 1998 deri 2011 nga Maqedonia janë larguar 230 mijë, duke migruar në vendet e BE-së, por dhe në vendet tjera të botës.

Megjithatë, bëhet e ditur se shifra e qytetarëve që kanë braktisur vendin është edhe më e lartë, për shkak se nuk dihet se sa qytetarë të Maqedonisë kanë të rregulluar qëndrimin në vendet e BE-së dhe se sa prej tyre ishin larguar nga ky vend pa dokumente personale dhe pa posedimin e shtetësisë, transmeton INA .

Numri më i madh i qytetarëve të Maqedonisë kanë të rregulluar qëndrimin në Itali, Gjermani, Austri dhe Slloveni, dhe më pas vijojnë shtetet e tjera evropiane.

Sipas Eurostat, nga viti 2002  deri 2008, një numër i madh i qytetarëve të Maqedonisë kanë përfituar të drejtën e shtetësisë së vendeve evroperëndimore. Sipas të dhënave, rreth 5 mijë qytetarë për çdo vit kanë marrë shtetësinë e vendeve të BE-së.

Sipas Eurostat, Shqipëria është vendi me përqindjen më të lartë të emigracionit nga vendet e Ballkanit. Sipas Bankës Botërore, rreth 45 për qind e popullatës së përgjithshme të Shqipërisë janë në emigracion dhe pas saj vijon Bosnjë – Hercegovina me 38,9 për qind