Shqipëria

Shqipëria kërkon hetime për vrasjen në Korfuz

E martë, 4 Dhjetor 2018 - 16:00 albinfo.ch

Ministria për Evropën dhe Punë të Jashtme e Shqipërisë ka kërkuar nga shtetit grek hetim të plotë për vrasjen e 25 nëntorit në Korfuz.

MPJ-ja thekson se duhet të zbardhen të gjitha detajet dhe rrethanave të plota të ngjarjes, që përfundoi me një ekzekutim në pritë dhe hedhjen më pas në kanal të shqiptarit Petrit Zifle, i njohur edhe si Petro në Korfuz.

Zëdhënësja e MEPJ-së, Edlira Prendi, ka shprehur keqardhjen për humbjen e jetës së tij, e po ashtu ka përshëndetur arrestimin e të dyshuarit për këtë ngjarje.

Mediat greke patën raportuar se vrasja e Petritit kishte ndodhur pas një debati për çështje të karakterit etnik.