“Guri për Paqe” vendoset në Prishtinë

“Guri për Paqe” i Prishtinës do të vendoset në Muzeun Kombëtar, ndërsa kosovarët me këtë rast do t’i bashkohen grupit të qyteteve që kanë nderuar viktimat e luftës

Në Prishtinë, sot zyrtarisht fillon Javës së Tolerancës dhe Pajtimit në Kosovë, ndërsa në një ceremoni të veçantë do të vendoset “Guri për Paqe” , i cili simbolizon nderimin për të rënët në luftë. Aktivitetet e kësaj jave përcillen me shumë aktivitete kulturore, historike e shkencore.

“Guri për Paqe” i Prishtinës do të vendoset në Muzeun Kombëtar, ndërsa kosovarët me këtë rast do t’i bashkohen grupit të qyteteve që kanë nderuar viktimat e luftës, me hapësirën kushtuar tyre, me urime për një botë më paqësore.

Ky gjest simbolik është përcjell nga njerëzit e Hiroshimës së Japonisë në të gjithë globin.

Në ceremoni, të pranishmëve do t’iu drejtohen presidentja e Republikës së Kosovës, Atifete Jahjaga, kryetari i Asociacionit “Guri për Paqe” i Hiroshimës, ëvendësministri i Kulturës dhe kryetari Prishtinës.

Sipas MPJ-së, Java e Tolerancës në Kosovë, që do të zhvillohet nga 20-26 maj, përfshinë një varg ngjarjesh ku do të mblidhen komunitete dhe liderë globalë të cilët i përkushtohen dialogut pozitiv dhe të hapur.

Sipas një komunikate lëshuar nga MPJ, mbi 300 mysafirë nga gati 50 shtete nga pesë kontinente do të qëndrojnë në Kosovë. Pas ceremonisë së Gurit për Paqe, më 23 maj do të bëhet inaugurimi i Monumentit të Holokaustit, ndërsa në fund të javës do të zhvillohet takimi i dhjetë jubilar i Grupit të Mëngjesit të Lutjeve në Evropës Juglindore