Sonte përfundon faza e grupeve në Ligën e Kampionëve

Ndeshjet e së mërkurës në Ligën e Kampionëve do të vendosin vetëm për fituesit e grupeve, përveç në grupin F, ku ende nuk janë përcaktuar të dy skuadrat për kalim në fazën tjetër.

Në grupin F tutje ka shkuar vetëm Manchester City, por ende e ka në diskutim vendin e parë. City ka 10 pikë dhe prin para Lyonit që ka 7 dhe së paku me një barazim e siguron vendin e parë.

Në garë për të kaluar grupin është edhe Shaktari me pesë pikë, që luan përballjen direkte me Lyonin. Vetëm në rast të fitores, ukrainasit shkojnë tutje. Në grupin E kemi përballjen për vendin e parë ndërmjet Ajaxit e Bayernit.

Nga grupi G Real Madridi e Roma kanë siguruar kalimin tutje, ndërsa në grupin H mbetet të diskutohet vetëm vendi i parë ndërmjet Juventusit e Manchester Unitedit.