“Mos e dhez”, fushatë kundër duhanit

"Mos e Dhez", është fushatë e shtrirë në tërë territorin e Kosovës përmes rrjeteve sociale, me qëllim të respektimit të Ligjit mbi Kontrollin e Duhanit

Me rastin e Ditës Ndërkombëtare kundër Duhanit, një grup të rinjsh nga subjekte të ndryshme politike dhe nga shoqëria civile, kanë organizuar një aksion në sheshin kryesor të Prishtinës, duke iu bërë thirrje qytetarëve që të mos pinë duhan me thirrje: “Mos e Dhez”.

Gjatë ditë, këta të rinj kanë shpërndarë broshura me informacione për ligjin e miratuar kohët e fundit që ndalon pirjen e duhanit në hapësirat publike, ruajtjen e shëndetit dhe pasojat e thyerjes së ligjit.

Ky aktivitet është përkrahur edhe nga Ministri i Shëndetësisë, Ferid Agani, duke qenë se është një iniciativë vullnetare e të rinjve dhe po ashtu është një zë më shumë në përpjekjen e respektimit të Ligjit mbi Kontrollin e Duhanit.

“Mos e Dhez”, është fushatë e shtrirë në tërë territorin e Kosovës përmes rrjeteve sociale, me qëllim të  respektimit të Ligjit mbi Kontrollin e Duhanit.

Iniciative e këtyre të rinjve, siç thuhet në një komunikatë për medie, ka lindur gjatë ndjekjes së Shkollës për Mediat e Reja në Institutin Kombëtar Demokratik (NDI). Në mënyrë që kampanja të ketë përfshirjen e mjaftueshme është duke u përdorë edhe media tradicionale, por gjithsesi duke iu atribuar suksesit edhe në rrjetet sociale.

dryshe, duhani është shkaktari i dytë i vdekjeve në botë. Çdo vit në botë vdesin rreth 5 milionë njerëz si pasojë e pirjes së duhanit. Studimet e fundit të Organizatës Botërore të Shëndetësisë, flasin për atë, se nga 5 infarkte, 4 shkaktohen nga pirja e duhanit.

Kuvendi i Kosovës e ka miratuar dhe tashmë ka hyrë në funksion Ligji i ri për Kontrollin e Duhanit. Sipas këtij ligji, pirja e duhanit ndalohet rreptësisht nëpër zona të mbyllura, sikurse nuk lejohet nëpër lokale afariste as reklamim i pakove të cigareve. Ata që thyejnë  këtë ligj, gjobiten nga inspektorët