Studentët ftojnë gjimnazistët në protestë

Po vazhdon protesta e studentëve para Kryeministrisë së Shqipërisë edhe gjatë kësaj të diele.

Ndërkaq për një protestë masive për ditën e hënë, studentët protestues u bënë thirrje edhe gjimnazistëve që të bashkohen, pasi siç theksuan ata, “do të digjen”, njësoj siç u ka ndodhur atyre, përcjell albinfo.ch.

Studentët po vazhdojnë plotësimin e 8 kërkesave të tyre. “Nëse Rama ka probleme që ku mund t’i gjejë këto fonde, nuk është problemi ynë. Këto janë gjëra elementare”, kanë thënë studentët.

Kryeministri i Shqipërisë, Edi Rama u bëri thirrje sërish këtë të diel studentëve për dialog. Nëpërmjet një fotoje nga një protestë në SHBA, Rama thotë se studentët atje nëpërmjet uljes në tavolinën e bisedimeve arritën një marrëveshje të favorshme për ta.