35 gola në vitin 2018 nga futbollistët shqiptarë në Kampionatin e Zvicrës

Futbollistët shqiptarë që luajnë në kampionatin e Zvicrës në Futboll shkëlqejnë dhe janë mjaft të dobishëm për skuadrat ku luajnë.

Nga sezoni në sezon po shndërrohen bartës të ekipeve, madje edhe të ekipeve më të mira në Zvicrës, si Basel-i, FC Zürich-u, Sioni-i dhe tjerët.

Edhe pjesë e parë e sezonit 2018/19 ka përfunduar me shifra të mira për djemtë tanë të shumtë që luajnë në Super Ligën e Zvicrës. Nga 18 ndeshje kanë realizuar 35 gola, njofton albinfo.ch.

Edhe këtë vit në krye janë treshja Albian Ajeti (8), Benjamin Kololli (6) dhe Pajtim Kasami (5) që bashkërisht kanë shënuar 19-të gola.

Në gjithë sezonin paraprak 2017/18, futbollistët shqiptarë patën shënuar 52 gola dhe nëse krahasohen me golat e deritanishëm, ky numër mund të tejkalohet lehtë deri në fund të sezonit, në vitin 2019.

Kujtojmë që vitin e kaluar Albian Ajeti u shpall golashënuesi më i mirë në Ligë, me 17-të gola.

Lista e golashënuesve shqiptarë në sezonin vjeshtor 2018/19 në Super Ligën e Zvicrës:

Albian Ajeti                   8

Benjamin Kololli            6

Pajtim Kasami               5

Nedim Bajrami              3

Kemal Ademi                 2

Ermir Lenjani                 2

Shkelqim Demhasaj       2

Bastien Toma                2

Hekuran Kryeziu            2

Idriz Voca                      1

Toni Domgjoni              1

Samir Ramizi                 1

---