12 kërkesa për amnisti në Gjykatën e Shkupit

Në Gjykatën Penale në Shkup deri tash kanë mbërritur 12 kërkesa për amnisti nga të akuzuarit për ngjarjet në Kuvendin e Republikës së Maqedonisë nga 27 prilli i vitit 2017, kanë konfirmuar nga Gjykata. 

Ndërsa afati pesëditor për dorëzimin e kërkesave për amnisti skadon të martën. 

Kërkesat e të akuzuarve mund të dorëzohen në Gjykatë personalisht dhe me postë. 

Pas skadimit të afatit për parashtrim të kërkesave, Gjykata dhe Prokuroria do të ketë afat prej pesë ditëve të përgjigjen kush do të falet e kush jo. 

Ligji për amnisti të enjten u publikua në Gazetën Zyrtare të Republikë së Maqedonisë, pasi ky ligj u nënshkrua nga presidenti i vendit, Gjorge Ivanov. 

Kuvendi i Maqedonisë më datën 18 të këtij muaji me procedurë të shkurtër me 95 vota “pro”, asnjë kundër dhe asnjë abstenim e miratoi Ligjin për amnisti për ngjarjet në Kuvend më 27 prill të vitit të kaluar.