Bekim Jashari mbështet iniciativën për bashkimin e Mitrovicës

Kryetari i Komunës së Skenderajt, Bekim Jashari, ka përkrahur iniciativën e kryetarit të Komunës së Mitrovicës, Agim Bahtiri për bashkimin e Mitrovicës.

Me anë të një postimi në rrjetin social Facebook, Jashari ka shkruar se ky ndryshim i ligjit ka për qëllim bashkimin e qytetit.

“E përkrahu inicimin e procedurës për Ndryshim-Plotësimin e Ligjit, Nr. 03/L-041, për Kufijtë Administrativ të Komunave, me qëllim të bashkimit të qytetit të minatorëve, Mitrovicën, nismë kjo e ndërmarrë nga kryetari i Komunës, z.Agim Bahtiri”, ka shkruar Jashari.

Ai shtoi se: “Sot ka filluar edhe zyrtarisht mbledhja e nënshkrimeve në Mitrovicë, dhe ne si institucione lokale do ta përkrahim peticionin për bashkimin e qytetit”.

Bekim Jashari është nip i Adem Jasharit e djali i Hamëz Jasharit nga Prekazi.