50 mijë libra shqip nga Ministria e diasporës

Gjithashtu në kuadër të Bibliotekave Kombëtare e Kosovë në vende të ndryshme janë hapur edhe sektorë të veçantë me libra shkollorë dhe nga fusha të ndryshme shkencore

Ministria e Diasporës deri më tash ka dërguar në disa vende të perëndimit rreth 50 mijë libra për nxënësit shqiptarë të përfshirë në procesin e mësimit plotësues në gjuhën shqipe.

Gjithashtu në kuadër të Bibliotekave Kombëtare e Kosovë në vende të ndryshme janë hapur edhe sektorë të veçantë me libra shkollorë dhe nga fusha të ndryshme shkencore. 

Ymer Avdiu, ushtrues detyre i drejtorit për politika të diasporës në këtë ministri, tha për Radio Kosovën, se përmbajtja e librave është nga fusha të ndryshme dhe përfshin nivelin shkollor dhe atë shkencor. 

“Në këto tekste përfshihen lektura shkollore, libri shkollor që botohet nga Ministria e Arsimit te Kosoves, pastaj edhe libra, botime të veçanta të fushave të ndryshme, shkencore, artistike, letrare, monografi etj.

Keto libra kanë shkuar kryesisht në shkollat ku zhvillohet mësimi plotësues në gjuhën shqipe”, tha ai.