Djemtë rrahin nënën për Viti e Ri dhe lirohen

Me vendim të prokurorit të dyshuarit janë liruar dhe rasti shkon në procedurë të rregullt

Në Vushtrri një grua ka raportuar në Polici se është ushtruar dhunë fizike ndaj saj nga  dy djemtë e saj të dehur.

“Të dyshuarit janë arrestuar. Viktima së bashku me vajzë e saj tetë vjeçare është dërguar në strehimore”, thuhet në raportin 24 orësh të Policisë.

Me vendim të prokurorit të dyshuarit janë liruar dhe rasti shkon në procedurë të rregullt, përcjell albinfo.ch.

Ndërkohë, gjatë ndërrimit të viteve, janë regjistruar edhe disa rrahje tjera në Policinë e Kosovës, derisa rasti më i rëndë ndodhi në Gjilan, kur bashkëshorti aksidentalisht ka mbytur gruan e tij, duke festuar me armën e gjuetisë.

“Ekziston dyshimi i bazuar se, më 01 janar 2018, rreth orës 00:10 minuta, në fshatin Selishtë, komuna Gjilan, i dyshuari J.J. (1958), nga pakujdesia, me pushkën e tij të gjuetisë, të cilën e ka poseduar pa leje dhe autorizim, e ka privuar nga jeta bashkëshorten e tij, tani të ndjerën Z.J. (1956), në atë mënyrë që derisa ka qenë duke shtënë me armë në ajër, për festën e Vitit të Ri, arma është bllokuar dhe nuk ka shkrepur, me ç’rast duke tentuar ta rregullonte, e njëjta ka shkrepur dhe në një distancë prej 2-3 metra, e ka goditur të ndjerën, në pjesën e epërme të shpindës, duke i shkaktuar lëndime vdekjeprurëse”, thuhet në raportin e Policisë.

---