Artistja kosovare, ekspozitë personale në Romë

Artistja kosovare, Majlinda Kelmendi, në Muzeun Laboratori i Artit Bashkëkohor në Universitetin Sapieza në Romë më 16 janar do të hapë ekspozitën personale. Ajo ka ekspozuar punën e saj në vende të ndryshme ndërkombëtare, si në Itali, Austri, Gjermani, Hungari, Portugali, Belgjikë, Spanjë, Poloni, etj., duke marrë çmime të rëndësishme dhe mirënjohje.

Në ceremoninë e hapjes së kësaj ekspozite do të jenë prezentë edhe Presidenti  Fondacionit Sapienza Romë, Antonello Folco Biagini dhe Drejtori i MLAC, Claudio Zambianchi, përcjell albinfo.ch

“Po e filloj këtë vit të ri me ekspozitën me titull COESTISTENZA. Ka qenë sfiduese dhe emocionuese për të planifikuar këtë ekspozitë së bashku me MLAC Muzeu i Artit bashkohor Sapieza Romë, Itali. Unë do të paraqes veprat e mia të reja që kam punuar prej dy vjetësh. Publikimi i eventit do bënte të mundur njoftimin e artdashësve tanë kudo që janë”, ka thënë Kelmendi.

Ekspozita do të jetë e hapur për publikun deri më 31 janar 2019. Kjo ngjarje është mundësuar dhe mbahet nën patronazhin e Ambasadës së Kosovës.