Integrimi

Elhaida Dani, me album të ri

Elhaida Dani, fituesja shqiptare e ‘The Voice Of Italy’, ka prezantuar në Milano të Italisë albumin e saj të parë me 7 këngë

E mërkurë, 3 Korrik 2013 - 8:47 albinfo.ch

Këngëtarja me origjinë nga Shkodra për adhuruesit ka sjellë këngën “Baciami e Basta”, e shkruar posaçërisht për të nga Francesco Silvestre, i grupit „Moda“.

Me këtë këngëtar dhe autor Elhaida u ngjit në skenën e emisionit “The Voice of Italy”, me një duet të magjishëm.

Pas sukseseve në Shqipëri, ku ajo ka marrë çmimin Artistja e re më e mirë në edicionin e 9-të të “Top Fest”, dhënë nga fondacioni mediatik “Dritan Hoxha” dhe e çmimit të madh po në këtë edicion, karriera e Elhaidës mori hov në Itali pas fitores së saj në spektaklin e talenteve ‘The Voice Of Italy’.