Kosova, me rritjen më të lartë ekonomike në rajon

Ekonomia e Kosovës ka shënuar rritje prej rreth 3.9 për qind që, sipas Thaçit, është shumë më e lartë sesa ajo e vendeve të rajonit

Marrëveshja për Stabilizim dhe Asocim (MSA) do të ndikojë në përmirësimin e ambientit e të bërit biznes në Kosovë. Kështu ka thënë kryeministri Hashim Thaçi gjatë takimit të Këshillit Kombëtar për Zhvillim Ekonomik.

Thaçi ka thënë se këtë vit Kosova pritet të shënojë rritjen ekonomike më të lartë në rajon. “Zhvillimin e ndërmarrjeve të vogla dhe të mesme, përmirësimin dhe kompletimin e infrastrukturës së transportit, përmirësimin dhe kompletimin e infrastrukturës së energjisë, promovimin e inovacioneve përmes investimeve në teknologjinë e informacionit dhe të komunikimit, si dhe mbrojtjen e ambientit”, theksoi ai.

Thaçi ka thënë më tutje se  qeveria ka qenë shumë e suksesshme edhe në aspektin makroekonomik, përfshirë këtu stabilitetin dhe qëndrueshmërinë makrofiskale, shkruan koha.net Ai tha se gjatë vitit 2012, ekonomia e Kosovës ka shënuar rritje prej rreth 3.9 për qind që është shumë më e lartë sesa ajo e vendeve të rajonit. Sipas tij, Kosova pritet që prapë të shënojë rritjen ekonomike më të lartë në rajon.