Gjermania shpëtoi 368 miliardë euro nga normat e ulëta të interesit

Vetëm në vitin e kaluar, Qeveria federale, provincat federale, komunat dhe autoritetet sociale shpëtuan 55 miliardë euro

Gjermania shpëtoi 368 miliardë euro nga normat e interesit që nga fillimi i krizës financiare në vitin 2008 në saje të normave të ulëta të interesit. Kjo korrespondon me më shumë se 10% të prodhimit të brendshëm bruto, siç llogaritet nga Banka Qendrore e vendit (Bundesbank), e cituar nga media ekonomike me ndikim “Handelsblatt”, përcjell albinfo.ch.

Vetëm në vitin e kaluar, Qeveria federale, provincat federale, komunat dhe autoritetet sociale shpëtuan 55 miliardë euro.

Sipas “Bundesbank”, Eurozona në tërësi kursen 1.42 trilion euro nga pagesat e interesit pas fillimit të krizës financiare. Fituesi më i madh pas Gjermanisë është Franca, me një kursim prej 350 miliardë eurosh, e ndjekur nga Italia me 262 miliardë euro.

Për analizën “Bundesbank” krahason normat përkatëse të interesit të vendeve të Eurozonës në vitin 2007, një vit para krizës financiare, me nivelet korresponduese në vitet deri në vitin 2018.

Nëse, në vitin 2007, shteti gjerman duhej t’u ofronte investitorëve një fitim mesatar prej 4.2% për para të pastra, normat e interesit janë ulur gradualisht në 1.5% në vitin 2018. Për shkak të kësaj rënieje të normave të interesit, Berlini duhej të shpenzonte pak më shumë para për shërbimin e borxhit.

Efekti do të jetë edhe më i madh nëse Qeveria federale dhe ato provinciale nuk grumbullojnë teprica, por borxhe. Megjithatë, ekonomistët gjithnjë e më shumë paralajmërojnë se në rast të rritjes së normave të interesit, borxhi i vendeve të Eurozonës do të rritet me shpejtësi.

---