14 të dënuar me burg për trazirat etnike

Fajtorët u dënuan me burg në kohëzgjatje prej tre muaj e deri në pesë vite. Gjykata ka pezulluar vendimet për gjashtë të dënuar

Një gjykatë në Maqedoni i ka dënuar 14 vetë për involvimin e tyre në trazirat etnike, në muajin mars, nga të cilat së paku 22 vetë ishin plagosur, me burg në kohëzgjatje prej tre muaj e deri në pesë vite.

Megjithatë, kjo gjykatë dje i ka pezulluar vendimet për gjashtë të dënuar, raporton agjencia AP. Trazirat etnike në muajin mars të këtij viti shpërthyen në kryeqytetin e Maqedonisë, Shkup, pasi qeveria konservatore e kishte nominuar një politikan shqiptar, i cili kishte qenë njëri nga komandantët e ish UÇK-së në Maqedoni, gjatë konfliktit të vitit 2001, për ministër të mbrojtjes.

Pjesëmarrësit e trazirave nga shumica maqedonase ishin të involvuar në përleshje të gjëra me policinë, ndërsa të rinjtë shqiptarë, poashtu, ishin involvuar në kundër-demonstrata të dhunshme, raporton AP.