I eksplodon celulari, i digjet pasaporta shqiptarit

Duke hulumtuar në çantë ai sheh se ishte telefoni i tij mobil që kishte eksploduar dhe nga shpërthimi ishte djegur edhe pasaporta

Erhat Kurtishi, shqiptar i Maqedonisë me qëndrim në Heresbrugg të St. Gallenit nuk u ka besuar syve kur ka parë se në çantën e djegur të të shoqes, ishte djegur dhe bërë e papërdorshme pasaporta e tij maqedonase. Por prej nga ky zjarr?

Duke hulumtuar në çantë ai sheh se ishte telefoni i tij mobil që kishte eksploduar dhe nga shpërthimi ishte djegur edhe pasaporta dhe ishte shkaktuar një zgavër në çantë.

Erhati bashkë me gruan ishin duke u kthyer nga Austria, ku, në afërsi të kufirit kishin shkuar me një roller për freskim, shkruan 20minuten.ch. Era e shkrumbit ua kishte tërhequr vëmendjen dy të rinjve për të shikuar se çfarë ka mundur të ndodhë.

Me ndjenjën e befasisë së pakëndshme ata ishin drejtuar në pikën doganore austriake të vendkalimit kufitar ku kishin pyetur se si do t`ia bënin për pasaportë.  Doganierët i kishin përcjellë në policinë kufitare të Zvicrës. Autoritetet policore nuk kishin mundur të ndihmonin çiftin. Ndërsa Erhatit i ka mbetur vetëm që të drejtohet në Konsullatën Maqedonisë për pasaportë të re dhe… sigurisht, të blejë një celular të ri.

Ekspertët thonë se si pasojë e nxehtësisë dhe ftohtësisë ekstreme, bateritë e telefonave mobilë edhe und të eksplodojnë. Por kjo ndodhë tepër rrallë.