Mbytet në liqe kosovari 43 vjeçar

Dy meshkuj tjerë kanë shpëtuar pas përmbytjes së barkës, ndërsa kosovari nuk ka arritur të dalë më mbi sipërfaqen e ujit.

Pasditen e të martës rreth orës 13.35 ka humbur jetën duke u mbytur në liqenin Rotsee të Lucernit një kosovar i moshës 43 vjeçare.

Siç bën të ditur prokuroria e përgjithshme e Lucernit, personi 43 vjeçar ka qenë duke lundruar me një barkë pune kur, për shkaqe tash për tash të panjohura është mbytur në ujë.

Sipas dëshmitarëve të ngjarjes, dy meshkuj tjerë kanë shpëtuar pas përmbytjes së barkës, ndërsa kosovari nuk ka arritur të dalë më mbi sipërfaqen e ujit. Vendi i aksidentit është vetëm 15 mera larg nga bregu i liqenit, shkruan NLZ.

Pas një orë kërkimi të zhytësve të policisë, është nxjerrë nga fundi i liqenit trupi i pajetë i kosovarit. Prokuroria e përgjithshme në Emmen të Lucernit ka udrgdëruar kryerjen e obduksionit për të konstatuar shkakun e vdekjes së viktimës.