Puna me orar të pjesshëm në Zvicër

(KEYSTONE/Olivier Maire)

Në vitin 2017 – 59 për qind e grave dhe 18 për qind e meshkujve punojnë me kohë të pjesërishme

Në tremujorin e dytë të vitit 2017, 36.7 për qind e të punësuarve punonin me kohë të pjesërishme, që paraqet një ngritje prej më shumë se 8.4 pikë për qind, në krahasim me 20 vite më parë. Puna me kohë të pjesërishme është shumë e pranishme në mesin e nënave të fëmijëve të vegjël dhe atyre që punojnë në sektorin e shërbimeve.

Në nivel europian, Zvicra renditet e dyta në aspektin e kohës së pjesërishme, prapa Holandës, informon Albinfo.ch. Publikimi i ri “Punë me orar të pjesërishëm në Zvicër 2017”, i cili bazohet në rezultatet e Anketës Zvicerane të Forcave të Punës (ESPA), paraqet aspekte të ndryshme të punës me kohë të pjesërishme.