Fshatrat kosovare në pulla postare

Në pullat postare është paraqitur Lluka e Epërme e Dukagjinit; Opoja dhe Stublla e Epërme e Vitisë në malësinë e Karadakut

Tri fshatra kosovare që kanë një imazh shumë të bukur, janë plasuar në pullat postare të Postës së Kosovës. Me këtë rast, për herë të parë Filatelia e Postës së Kosovës sjell fshatrat kosovare në pulla postare të titulluar ”Pamjet e fshatrave nga Kosova”.

Sipas një kumtese lëshuar nga PTK, në pullat postare është paraqitur Lluka e Epërme e Dukagjinit, që është një ndër fshatrat më të bukura të rrafshit të epërm të Dukagjinit; Opoja që është regjioni me një lartësi të lartë mbidetare mbi 1500 metra dhe Stublla e Epërme e Vitisë në malësinë e Karadakut.

“Kosova ka gjithsej 1268 fshatra, të cilat joshin nga bukuria piktoreske turistët e shumtë. Filatelia e Postës së Kosovës edhe në të ardhmen do të prezantojë bukuritë dhe vlerat e ndryshme të vendbanimeve në Kosovë”, thuhet në njoftimin e Postës së Kosovës.