Nuk ka azil për kosovarët në Francë

Franca ka demantuar pohimet se u jep azil kosovarëve

Mediat e Prishtinës raportojnë se ambasadorja së Francës në Prishtinë, Maryse Daviet do  t’iu drejtohet sot kosovarëve me sqarimin se pse shteti i saj nuk jep azil për kosovarët të cilët ia mësyjnë këtij vendi evropian.

Diplomatja franceze bashkë me ministren kosovare për integrimet Evropiane Vlora Çitaku, do të mbajnë një konferencë të përbashkët shtypi të martën në Prishtinë, për të demantuar disa medie që kanë shkruar se France u jep kosovarëve azil.

Autoritetet në Prishtinë janë alaramuar për shkak të numrit të madh të azilantëve kosovarë, që janë ngujuar në Hungari, në përpjekje për të emigruar në vendet evropiane.