Policia në Shqipëri sekuestron 1 ton drogë  

Policia e Shqipërisë njofton se mëngjesin e sotëm ka bllokuar në grykëderdhjen e lumit Vjosa një gomone me një ton drogë. 

Mjeti i lundrimit u kap gjatë një aksioni të zhvilluar nga Policia e Shtetit në bashkëpunim me partnerët italianë të Guardia di Finanza. Bëhet me dije se destinacioni i ngarkesës së lëndës narkotike ishte Italia. 

Policia thotë se trafikantët kanë përfituar nga errësira dhe kanë mundur t’i ikin kapjes së policisë, përcjell albinfo.ch

Lidhur me ngjarjen policia ka sekuestruar dy automjete dhe prova të tjera, të cilat do të ndihmojnë në identifikimin e pronarëve të sasisë së drogës.