Dy gratë e Sabedinit, shkas për kritika presidentit gjerman

Sabedini 24 vjeçar ka tetë fëmijë por ata i ka me dy gra të ndryshme. Dhe bigamia e tij bie në kundërshtim me ligjin gjerman

Ligji në Gjermani autorizon presidentin e shtetit që të bëhet kumbarë për secilin fëmijë të shtatë të lindur në një familje. Ky status nënkupton detyrime të shtetit për tu siguruar ndihma të caktuara familjeve të përmendura. Një rast i tillë ka ndodhur edhe me familjen shqiptare nga Kosova, të Sabedin Tatarit.

Por, siç shkruajnë shumë gazeta gjermane, rasti me kosovarin është paksa më problematik. Sabedini 24 vjeçar ka tetë fëmijë por ata i ka me dy gra të ndryshme. Dhe bigamia e tij bie në kundërshtim me ligjin gjerman gjë që ka shkaktuar kritika tüe ashpra të partive të ndryshme, në veçanti CDU-së në pushtet, ndaj presidentit gjerman Gauck.

Siç shkruan derwesten.de, deputeti i landit, Oliver Wittke nga CDU i ka shkruar një letër presidentit ku i kërkon atij që në rastet tjera sikur ky të “rishikojë edhe njëherë situatën para se të marrë vendim për kumbarinë.

Shumica e popullatës në Gjermani, ndër ta edhe myslimanët, nuk tregojnë mirëkuptim për martesat e njëkohshme  me dy gra. Kjo do të sillte përshtypjen se e drejta fetare po mbizotëron mbi atë shtetërore. Ligji në Gjermani ndalon bigaminë”, ka hënë Wittke.

Ndërkaq një zëdhënës i qytetit Gelsenkirchen ku jeton familja Tatari, ka thënë se kriteri për ndarjen e kumbarisë është plotësuar në ketë rast, me faktin se të gjithë, tetë fëmijët i takojnë të njëjtit baba.

Gazeta dhe medie tjera gjermane shtrojnë edhe problemin social të familjes Tatari. Ajo, sipas tyre jeton në luks, pasi që ka një banesë prej më shumë se 200 metrash katrorë me gjithë faktin se kryefamiljari është i papunë, që do të thotë e gjithë familja jeton në barrë të shtetit.