Studentët në Shqipëri mund të hyjnë në grevë urie

Studentët e Fakultetit të Juridikut në Tiranë kanë vazhduar protestën me mbylljen e dyerve. Ata kanë bllokuar hyrjen kryesore të fakultetit dhe nuk lejojnë asnjë të hyjë brenda.

Studentët bënë thirrje se nëse nuk shfuqizohet ligji për arsimin e lartë, protesta mund të shkojë drejt grevës së urisë/ Ndërsa, shtuan se do të zhvillojnë një mbledhje me rektorin Mynir Koni për të folur mbi zhvillimin e protestës, përcjell albinfo.ch.

“Kemi 15 ditë të ngujuar dhe jemi të lodhur. Dera siç e dini nuk është hapur akoma dhe nuk mund të fusim rektorin brenda nga dritarja dhe as pedagogët nuk kemi lejuar që të futen brenda. Protesta do të vazhdojë derisa të shfuqizohet ligji për arsimin e lartë. Tri fakultete në Universitetin e Tiranës e kërkojnë shfuqizimin e ligjit”, kanë thënë studentët.