Shqipëria turistike ngjall interes për vizitorët spanjollë

Shqipëria po merr pjesë në Panairin Ndërkombëtar të Turizmit “FITUR” në Madrid të Spanjës, ku po prezantohet bukuritë natyrore dhe mundësitë që ofron për turistët.

Në ditën e dytë të panairit përfaqësuesit e shtetit shqiptar njoftojnë se kanë realizuar shume takime me media e portale të rëndësishme spanjolle kushtuar turizmit, si dhe agjencitë homologe të vendeve të rajonit, përcjell albinfo.ch.

Interesi për Shqipërinë vazhdon të jetë i lartë nga ana operatorëve turistik, investitorëve dhe vizitorëve spanjollë, kanë thënë zyrtarët e Ministrisë së Turizmit dhe Mjedisit të Shqipërisë dhe Agjencisë Kombëtare të Turizmit. Në këtë panair Shqipëria po prezantohet me 8 operatorë turistikë që operojnë në tregun spanjoll.

Ky panair është më i madhi që zhvillohet në Gadishullin Iberik me rreth 1 mijë kompani ekspozuese nga 165 vende.