Kosova ka pasaportat më të sigurta në botë

Sipas informatës së lëshuar nga kompania Infineon, pasaportat e deritanishme ishin të pajisura me sistemin BAC, ndërsa tani do pajisen me chipat SAC

Kompania “Infineon” e cila merret me prodhimin e pasaportave elektronike kosovare ka informuar se nga viti 2014 do prodhojë pasaportat më të sigurta në botë. Kjo kompani e cila ka fituar para disa muajsh tenderin për prodhimin e pasaportave kosovare, jep garanca maksimale për sigurinë e tyre.

Sipas informatës së lëshuar nga vetë Infineon, pasaportat e deritanishme ishin të pajisura me sistemin BAC ( Basic System Control), ndërsa tani pasaportat e Kosovës do pajisen me chipat SAC (Supplemental Acces Control).

Systemi SAC është i njëjti sikur edhe vetë BAC, mirëpo SAC deshifron të dhënat në Chip me një alogaritëm i cili nuk mund të thyhet në asnjë mënyrë, njofton agjencia e lajmeve INA.

Sipas Infineon, mundësia për të manipuluar këtë chip apo për të bërë një duplikat është e pamundur. Ky sistem i ri i programimit i takon familjes e produkteve “Integrity Guard” zhvilluar nga kompania “Giesecke & Devrient” e cila ka marre kontratën për shtypjen e pasaportave kosovare.