Duhet të keni pagë të madhe për të jetuar në Cyrih

(KEYSTONE/Christian Beutler)

Cyrihu është një nga qytetet më të shtrenjta në botë. Kompania “Nestpick” ka llogaritur në një studim se sa të ardhura duhen për të jetuar në disa nga lagjet më të shtrenjta të Cyrihut.

Sipas njoftimit, kompania në fjalë përcaktoi çmimet mesatare për metër katror të hapësirave të banimit me qira. Studimi bazohet në rreth 50 metra katrorë të apartamenteve të vogla dhe rreth 105 metra katrorë apartamente familjare, përcjell albinfo.ch.

Apartamente më të shtrenjta janë në rrethin 8, çmimi mesatar për 50 metra katrorë është rreth 3224 franga në muaj. Kjo do të thotë se gjysma e apartamenteve në këtë lagje kushtojnë më shumë dhe të tjera më pak. Nëse dikush supozon se qiraja duhet të jetë rreth një e treta e të ardhurave, duhet të keni një punë të mire, sipas studimit.

Sa i përket çmimit, Cyrihu mund të konkurrojë edhe me qytete të tjera në botë. Cyrihu renditet i gjashti për apartamente, por me lagje të ndryshme. Me një pagë prej 10,745 frangash, apartamentet më të vogla në rrethin e 8 janë të shtrenjta. Në lagjen 4 ndodhen banesat familjare, ku duhet të keni të ardhura mujore 17,823 franga.