Ministri Makolli, në Medvegjë me mërgimtarët

Kjo është hera e parë që ministri Makolli merr pjesë në një takim me bashkatdhetarë në komunën e Medvegjës.

Ministri i Diasporës, z. Ibrahim Makolli po merr pjesë në manifestimin “Takim me Diasporën”, i cili po mbahet në Siarinë të Medvegjës.

Siç bëhet e ditur në një komunikatë të dërguar nga Ministria e Diasporës, kjo është hera e parë që ministri Makolli merr pjesë në një takim me bashkatdhetarë në komunën e Medvegjës.

Dihet se një numër shumë i madh i bashkatdhetarëve tanë që jetojnë dhe punojnë në botën e jashtme janë pikërisht nga Kosova Lindore dhe një organizim i tillë është tradicional dhe për herë të parë po marrin pjesë edhe përfaqësuese të nivelit të lartë të institucioneve të Republikës së Kosovës.

Ky takim është i organizuar nga shoqata humanitare “Medvegja” dhe Komuna e Medvegjës dhe njëherësh është duke u përcjellë me një  program dhe aktivitete të begatshme kulturo-artistike, përfundon komunikata e M e D.