Video: Berisha e Rama degradojnë fjalorin në Kuvend

Përplasja mes Berishës dhe Ramës në seancën parlamentare të kësaj të enjteje degradoi në fyerje të rënda familajre. Rama e akuzoi Berishën se ka përgojuar familjen e tij dhe se nuk do ta lejojë më që ta bëjë një që të tillë.

Ai e akuzoi Berishën se ka falsifikuar gjyqin, ku pretendohet se Rama ka kërkuar verifikim për atësinë e të birit. Jo vetëm kaq, por kryeministri nuk ka kursyer fjalorin e rëndë ndaj Berishës që, sipas tij, merret me gratë dhe mbesat e deputetëve.

“Po ta përsëris, ti je njeri që je marrë me gratë dhe me mbesat. Ti je njeri që s’ke kanun dhe s’ke moral…  Ti gruas sime dhe familjes time ia the ato që nuk thuhen”.

Me tone të larta, nga ana tjetër, i është kundërpërgjigjur ish-kryeministri, i cili tha se Ramës po i mbajnë peng dosjen origjinale të gjyqit të të birit dhe se po e kërcënojnë, shkruan VizionPlus, përcjell albinfo.ch. 

Berisha shkoi më tej dhe deklaroi me një gjuhë të rëndë se kryeministri Rama se i mori bashkëshorten shokut të tij.

“Ti je fundërrinë që u merr shokëve gratë. Ti e shet moralin, mor horr. Ti je njeri që mohon djalin tënd. Ti je fundërrinë njerëzore. Njeriu që mohon djalin, që ke akuzuar babën për përdhunues, incest, fundërrinë njerëzore”.