Shpëtohet vajza e bllokuar në baltë në Brazil

Mes numrit në rritje të viktimave nga shembja e digës në Brazil, ka ardhur një lajm i mirë. 

Një vajzë u nxor e gjallë nga balta, gati një javë pas shembjes së digës në qytetin Brumadinho. 33-vjeçari Jefferson Ferreira ishte duke kërkuar motrën e tij në gërmadha, kur dëgjoi se dikush ishte ende gjallë në baltë. 

Duke menduar se kjo mund të ishte motra e tij, Ferreira nxitoi në vend me një mik. Kur arriti dhe u afrua, nuk ishte motra e tij, por një vajzë 15-vjeçare e bllokuar në baltë. Duke përfituar nga gjatësia e tij, Ferreira u hodh në baltën e trashë për ta arritur vajzën që ishte bllokuar.  

Ferreira qëndroi me vajzën derisa shpëtimtarët arritën me një helikopter.  Videoja e shpëtimit bëri bujë në mediat sociale, derisa 33-veçari po konsiderohet hero. 

Deri më tani, ekipet e shpëtimit kanë rikuperuar trupat e 99 njerëzve të varrosur pas tragjedisë që ndodhi javën e kaluar. Më shumë se 250 njerëz ende konsiderohen të zhdukur, derisa shpresa për gjetjen e tyre po zbehet.