Vlora nuk dëshiron ta shohë më kurrë babanë e saj të dhunshëm

Dënimi që gjykata e Vjenës ia shqiptoi atij është 12 muaj burg me kusht dhe një terapi kundër agresivitetit. Me rastin e dhënies së deklaratës së saj para gjyqit, babai duhet të braktisë sallën. E bija nuk deshiron ta shohë kurrë më atë

Vlora, një vajzë simpatike 17 vjeçe, që ndjek mësimet për frizere, nuk ka mundur të durojë më dhunën e babait. Me shenja dhune në qafë, me fytyrë të mavijosur dhe me zemër të thyer, ajo është paraqitur në shtëpinë ku strehohen gratë.

Babai, Muharrem R. (43 vjeç) para gjyqit në Vjenë. Akuza: “Dhunë e vazhdueshme kundër personit të mitur”. Sa më e pavarur që bëhej, aq më shumë shtohej kontrolli i babait tiran ndaj saj. 15 minuta vonesë nga puna ose një telefonatë pa dijen e tij, ishin arsye e mjaftueshme e babait për ta rrahur ose dënuar. Ai ia kishte marrë asaj edhe kartelën e bankës duke i grabitur të hollat që i takonin asaj. Dhe, kur shefi i Vlorës e informoi policinë, Muharremi e kërcënoi edhe atë, shkruan heute.at.

Dënimi që gjykata e Vjenës ia shqiptoi atij është 12 muaj burg me kusht  dhe një terapi kundër agresivitetit. Ndërsa Vlora tash është rast për ndihmën emergjente për femra.

Me rastin e dhënies së deklaratës së saj para trupit gjykues, babai duhet të braktisë sallën. E bija nuk deshiron ta shohë kurrë më atë.