“Kontrata është nënshkruar pas përfundimit të procedurave për tenderin, “Furnizimi me letërnjoftime elektronike“, ku  është konstatuar se ofertuesi “Giesecke & Devrient” nga Gjermania, ka ofruar tender ekonomikisht më të favorshëm, me çmim prej 7,8 milionë euro”, thuhet në njoftim.

 Letërnjoftimi biometrik i Kosovës, sipas MPB-së, do t’iu mundësojë qytetarëve që të kryejnë shërbime të ndryshme elektronike, të parapara në Strategjinë për E-qeverisje.

“Me lëshimin e letërnjoftimit biometrik, Ministria e Punëve të Brendshme do të plotësojë edhe njërin nga kriteret e parapara për procesin e liberalizimit të vizave, sa i përket sigurisë së dokumenteve”, thuhet në njoftimin për media të MPB-së.

Kontrata me gjermanët, siç thuhet, përfshin furnizimin me letërnjoftime biometrike dhe sistemin për aplikim dhe personalizim. 

“Pajisja e qytetarëve me letërnjoftime biometrike, do të fillojë në fund të këtij viti”, thuhet më tej në njoftim.