Viktima e 10-të nga rriqrat

Viktima është një grua 33 vjeçe nga fshati Pagarushë e Komunës së Malishevës. Vdekja nga pickimi i rriqrave po merr përmasa shqetësuese në Kosovë

Në Qendrën Klinike Universitare të Kosovës në Prishtinë ka vdekur edhe një grua 33 vjeçare nga pickimi i rriqrave të infektuara, duke e çuar në 10 numrin e vdekjeve nga ethet hemorragjike. Viktima është nga fshati Pagarushë e Komunës së Malishevës.

“Ekipi mjekësor i Klinikës Infektive i QKUK-së, ka bërë të gjitha përpjekjet profesionale për të shpëtuar jetën e 33 vjeçares, cila dje u konfirmua me the hemorragjike”, ka thënë infektologia Lendia Ajazi

Hemorragjia ndaj viktimës, sipas saj, ishte zhvilluar me shpejtësi të madhe dhe kjo ka shkaktuar vdekjen e menjëhershme.

Sipas informatave nga QKUK, aktualisht në Klinikën Infektive në Prishtinë, po trajtohet edhe një pacient me ethe hemorragjike dhe dy të tjerë të dyshuar, por gjendja e të cilëve vlerësohet të jetë stabile, raporton RTK.

Ndryshe, ethet hemorragjike që po shkaktohen nga pickimi i rriqrave me virusin “Krime Kongo”, deri më tani kanë marrë dhjetë jetë njerëzish, ndërsa rreziku mbetet permanent për qytetarët e rajonit të Malishevës, Klinës e Rahovencit.

Së fundi ka qenë Ministra e Shëndetësisë e cila i ka ndarë 500 mijë euro për t’i spërkatë këto zona