Zbulohet kazan gjigant në mes të Prishtinës

Sipas zyrtarëve të komunës së Prishtinës, nuk dihet koha se kur është vendosë cisterna, por sipas parashikimeve ajo është “mbjell” para 50 vitesh, ndërsa mund të jetë shfrytëzuar për ngrohjen e banesave

Në qendër të Prishtinë, disa punëtor të komunës kishin zbuluar një cisternë gjigante të mazutit, e cila ishte vendosur në kohën e ish-Jugosllavisë. Cisterna ishte zbuluar rastësisht, derisa askush nuk e di se pse cisterna është “mbjellë” në zënën më të frekuentuar të kryeqytetit.

Kjo cisternë ishte zbuluar në rrugën “Rexhep Luci” përballë Kinemasë ABC, ndërsa ishte nën trotuarin ku kalojnë qytetarët. Për shumë vjet cisterna e mbushur plotë me mazut ka paraqitur rrezik për banorët, ndërsa tashmë është konstatuar se mazuti e ka humbur vetin djegëse.

Sipas zyrtarëve të komunës së Prishtinës, nuk dihet koha se kur është vendosë cisterna, por sipas parashikimeve ajo është “mbjell” para 50 vitesh, ndërsa mund të jetë shfrytëzuar për ngrohjen e banesave.

Zbulimi i këtij objekti ka ardhur pasi që Komuna ka nisë projektin për ndërtimin e kontejnerëve nëntokësorë.

 “Ai është një rezervuar i naftës, qe është përdor për ngrohje te atyre banesave ne kohet e ish Jugosllavisë. Rezervuari është zbrazur nga personat kompetent dhe do te vendoset ne oborret e Ndërmarrjes Termokos”, deklaroi zëdhënësi i Komunës së Prishtinës, Asdren Osaj.

 I pyetur nga albinfo.ch, se a posedon Komuna e Prishtinës harta që tregojnë për “mbjelljen” e këtyre objekteve, ai tha se asnjë dokument nuk ekziston.

 “Në vitin 1999, sistemi i dhunshëm i Serbisë i ka marrë nga komuna të gjitha dokumentet e nevojshme, prandaj ne nuk posedojmë informata për asnjë objekt të tillë”, deklaroi Osaj