Mund të rikthehen vizat për vendet e Ballkanit

Parlamenti Evropian ka miratuar propozimin për vendosjen e një mekanizmi që mundëson rikthimin e përkohshëm të vizave për vendet e origjinës së azilkërkuesve

Parlamentarët evropianë ka debatuar ashpër për këtë mekanizëm, pasi deputetët socialist, social-demokratk, lideralët dhe të gjelbrit kritikonin atë për shkak se kufizon lirinë e lëvizjes, para se gjithash të banorëve të shteteve të Ballkanit Perëndimor.

Komisionerja për Punë të Brendshme e Bashkimit Evropian, Cecilia Malmström ka përshëndur miratimin e mekanizmit për pezullimin e mundshëm të regjimit të lirë pa viza për vednet e Ballkanit nga Parlamenti Evropian.

Ajo ka thënë se kjo do të sigurojë që mos të keqpërdoret udhëtimi pa viza.

Ndërsa deputetja në Parlamentin Evropian, Tanja Fajon tha se nuk ka asnjë rrezik për Ballkanin Perëndimor nëse aplikohet një mekanizëm për rikthimin e përkohshme të vizave për ato vende me numër të madh azilkërkuesish në BE.

“Numri i azilkërkuesve nga vendet e Ballkanit Perëndimor në fakt po zvogëlohet dhe shtetet anëtare të BE-së nuk kanë asnjë bazë që t’i kërkojnë Komisionit Europian për të aktivizuar mekanizmin në fjalë”, tha Fajon ..