Këngëtarja Ariana Grande, në histori të Billboardit

Ariana Grande ka hyrë në historinë e 100 këngëve më të mira të Billboardit.

Këngëtarja është e para artiste që mban tri vendet e para në këtë listë, në të njëjtën kohë. “7 Rings” mban vendin e parë për të katërtën javë radhazi,  derisa “Break Up With Your Girlfriend, I’m Bored” debuton në vendin e dytë dhe “Thank U, Next”,  u rendit nga vendi i shtatë në të tretin. 

Të tri këngët janë pjesë e albumit të Grandes “Thank U, Next” që mban vendin e parë edhe në 200 albumet më të mira të Billboardit.  Ariana Grande është e dyta në historinë 60-vjeçare të top-listës së 100 që monopolizoi tri vendet e para në një javë, përcjell albinfo.ch

Rekordi mbahej nga bendi britanik The Beatles, i cili qëndroi për pesë javë, në mars dhe prill 1964, madje duke mbajtur të pestë vendet e para në vitin 1964.