Rama: Kam hyrë në borxh me familjen për baltën që po më hedhin

Foto Ilustrim

Kryeministri i Shqipërisë, Edi Rama, gjatë ditës së sotme ka zgjedhur që përmes një video live të komunikojë drejtëpërdrejt me qytetarët përmes rrjetit social “Facebook”.

Ai tha se veprimet e opozitës janë për interesa vetjake.

Rama shtoi se ka interesa partiake, të cilat synojnë përçarjen e zgjedhjeve.

“Kanë interesa partiake që synojnë përçarjen e zgjedhjeve. Duhet të përpiqemi, të shohim sa më qartë dhe të reflektojmë sa më thellë, duke nisur nga vetja, pastaj duke parë rreth e rrotull. Opozita ka konsumuar një akt të panjohur të vendeve me zgjedhje që nga demokracitë perëndimore deri te regjimet hibride. Po e nis nga vetja, jam zgjedhur kryeministër i Shqipërisë dy herë pas zgjedhjeve nën një qeveri të përbashkët me opozitën, të cilës i dhamë të gjitha portofolet që kërkoi”, tha kryeministri Rama.

Rama tha se edhe se ka hyrë në borxh të pashlyeshëm mbi familjen e tij për, siç e quajti ai, baltën e hedhur në të.

“Kam hyrë në një borxh të pashlyeshëm me fëmijët, gruan, nënën, që mbajnë mbi shpatulla baltën e padrejtë që më hedhin mua, por edhe me të afërm dhe miq që nuk mbahet mend se kur i kam takuar herën e fundit. Por, e kam pranuar si haraçin e madh për privilegjin e pakrahasueshëm që shumica më ka zgjedhur për të drejtuar këtë vend”, shtoi Rama.