Kosova keq me investime të huaja

Ekspertët e ekonomisë kërkuan që të zgjidhet ngërç i investimeve të huaja, sepse Kosova, sipas tyre, nuk e ka luksin që të ecë zvarrë

Tërheqja e investimeve të huaja vazhdon të mbetet sfidë për institucionet e Kosovës, të cilat kanë mbetur shumë larg vendeve të rajonit. Kështu të paktën deklaruan përfaqësuesit e Odës Ekonomike të Kosovës (OEK) në një konferencë për media mbajtur të premten në Prishtinë.  

Vlerësimi i Odës Ekonomike është bazuar në një studimi mbi gjetjet e investitorëve të huaj në Kosovë, të cilën e prezantuan sot. Ekspertët e ekonomisë me këtë rast thanë se ky ngërç i investimeve duhet të zgjidhet shpejtë, sepse Kosova nuk, nuk e ka luksin që të ecë zvarrë.

Sipas këtij hulumtimi Agjencia për promovimin e investimeve në Kosovë që do të duhej të zhvillonte politika rreth tërheqjes së investimeve, renditet në një pozitë shumë të ulët sa i përket bërjes së punës që i takon, raportojnë medait e Kosovës.

Kryetari i OEK-ut, Safet Gërxhaliu ka thënë se ata që do të hartojnë ligjin, duhet të kenë parash segmentet dytësore prej të cilave mund të bëhet një ligj i fuqishëm dhe mbrojtës për investimet e huaja.

Sipas këtij hulumtimi pengesat kryesore që hasin investitorët e huaj në Kosovë, janë kamatat shumë të larta, TVSH-ja e lartë për lëndë të parë, stabiliteti ekonomik, politik dhe infrastrukturorë, si dhe procedura për marrjen e lejeve për ndërtim,e tj.