Grenada njeh Kosovën

Këtë njohje e ka konfirmuar për mediet në Prishtinë, shefi i diplomacisë kosovare Enver Hoxhaj, i cili po qëndron në Nju Jork

Republika e Kosovës është njohur të mërkurën edhe nga shteti i Granades, duke e ngritur kështu në 102 numrin e njohjeve zyrtare. Këtë njohje e ka konfirmuar për mediet në Prishtinë, shefi i diplomacisë kosovare Enver Hoxhaj, i cili po qëndron në Nju Jork 　

“Shteti i Kosovës është njohur edhe nga një shtet. I fundit në listë është ishulli i Grenadës”, ka deklaruar nëpërmjet telefonit ministri Enver Hoxhaj.

Grënada është shtet dhe ujdhesë pranë Amerikës latine. Këtij shteti i takon ujdhesa Grënada me një sipërfaqe prej 3102 si dhe ujdhesat jugore Grënadeze që së bashku zënë një sipërfaqe prej 344 km2.

Kryeqytet i Grendaes është Saint George’s (Shën Gjergji), gjuhë zyrtare e vendit është gjuha angleze ndërsa monedhë shtetërore është dollari i karibit lindorë (ES$) me qindarkën e quajtur cent.　

Grenada është shteti i 102-të që e ka njohur pavarësinë e Kosovës, ndërsa shefi i diplomacisë kosovare, Enver Hoxhaj tha se në agjendë janë edhe dy njohje të tjera, ndërsa njëri nga ta është një shtete me shumë ndikim.