Këndvështrime të ndryshme për taksën pas presionit amerikan

Zyrtarët e lartë amerikanë, drejtori kryesor për Çështje Evropiane në Këshillin e Sigurisë Kombëtare të SHBA-së, John Erath, dhe drejtori për Ballkanin i Këshillit Kombëtar të Sigurisë së SHBA-së, Brad Berkley, kanë takuar bashkëkryesuesin e Ekipit shtetëror për dialogun me Serbinë, Shpend Ahmeti dhe zëvendëskryeministrin Enver Hoxhaj. 

Në takim ka munguar bashkëkryesuesi tjetër i Ekipit, Fatmir Limaj. Më herët gjatë ditës, zyrtarët amerikanë dhe Ekipi shtetëror kanë zhvilluar takim edhe në Zyrën e presidentit Hashim Thaçi, ku ka marrë pjesë edhe Fatmir Limaj, përcjell albinfo.ch.

Ai, përmes një statusi në Facebook, ka njoftuar se zyrtarët amerikanë edhe një herë kanë kërkuar pezullimin e taksës për t’i dhënë mundësi dialogut. “Shfrytëzova rastin për të thënë se vendimi për taksën ka qenë vendim shtetëror dhe tashmë është e qartë se ka këndvështrime të ndryshme rreth kësaj teme”, ka shkruar Limaj.