Nga shtatori, edhe tri destinacione me ‘low cost’

Qytetarët shqiptarë, duke nisur nga qershori i këtij viti do të mund të udhëtojnë me kosto të ulët edhe drejt tri destinacioneve të reja, që do të lidhin Tiranën me Gjermaninë, Greqinë si dhe Mbretërinë e Bashkuar.

Një nga kompanitë ajrore me kosto të ulët (low cost) bën të ditur se linja do të operojë me tri fluturime javore për në Dyseldorf dhe Stansted, si dhe një fluturim javor për në Heraklion, transmeton “ATSH”.

“Ne kemi kënaqësinë të mirëpresim këto fluturime të reja, të cilat përforcojnë lidhjet ndërmjet shqiptarëve. E çmojmë bashkëpunimin tonë me Albawings dhe jemi të lumtur të shohim se kompania ka rritur numrin e shërbimeve të saj në Aeroportin Ndërkombëtar të Tiranës”, u shpreh Drejtori i Përgjithshëm Ekzekutiv i Tirana International Airport, Rolf Castro-Vasquez, përcjell albinfo.ch.

Shtimi i këtyre destinacioneve pritet të forcojë lidhjet e rëndësishme ndërmjet vendeve jo vetëm për udhëtarët, por edhe për tregtinë e biznesin.