Shqipëri: Balla e quan ‘huligan’ liderin e opozitës, Lulzim Basha

Kryetari i Grupit Parlamentar të Partisë Socialiste, Taulant Balla, e ka quajtur ‘huligan; kryetarin e Partisë Demokratike, Lulzim Basha. 

Në fjalimin e tij në Kuvend, ku jashtë po mbahej protesta e opozitës, Balla ka thënë se kreu i opozitës është nxitësi kryesor i dhunës.

 “Do të doja nga kjo foltore t’i drejtohesha personalisht Bashës, si nxitësi dhe orkestruesi kryesor i dhunës opozitare në Kuvend. Kushdo që e mbështet, thjesht vetëm se largon vendin nga Evropa dhe nxit destabilitetin në vend”, është shprehur Balla, përcjell albinfo.ch.

Ai ka shtuar se shqiptarët nuk kanë parë kurrë lider të opozitës që të bëjë thirrje për ta goditur Policinë e institucionet.