Shqipëri: Erion Veliaj rikandidon për mandatin e dytë në Tiranë

Partia Socialiste e Shqipërisë ka vendosur të konfirmojë, Erjon Veliajn për  mandatin e dytë për Bashkinë e Tiranës për zgjedhjet e 30 qershorit. Veliaj e nisi fjalën e tij me një falënderim për familjen e tij.

 Ai u shpreh i bindur se do të fitojë edhe zonat e kryeqytetit që në mandatin e kaluar i kishte humbur, përcjell albinfo.ch

“Pse besojë sot se në bëjmë një kontrast të jashtëzakonshëm. Nëse një njeri bind familjen e vet, bind edhe shkallën, pallatin, lagjen e qytetin e vet e mandej gjithë Shqipërinë të bashkohet me PS. Falënderim të veçantë për të gjithë demokratët që na janë bashkuar, keni bërë zgjedhur e duhur. Për të gjithë miqtë demokratë, mirëserdhët në familjen tonë, ndjehuni si në shtëpi. Ky shesh ka emrin ‘Nënë Tereza’ dhe ajo thoshte ‘bëjmë gjëra të vogla me dashuri të madhe’,”, ka thënë ai. Ndër të tjera Veliaj tha se nuk ka pasur dhe nuk do të ketë mosmarrëveshje mes tij dhe kryeministrit Edi Rama.