Tirana fton mjekët shqiptarë nëpër botë

Kryeministri i Shqipërisë, Edi Rama i ka ftuar të gjithë mjekët shqiptarë që e ushtrojnë karrierën e tyre jashtë vendit në një konferencë “Thuaj po Shqipërisë” në Tiranë

Me këtë konferencë autoritetet në Tiranë synojnë të mbledhin bashkë në Tiranë profesionistët më të mirë shqiptarë që ushtrojnë profesionin e mjekut në vende të ndryshme të botës.

Qëllimi i kësaj nisme që është bërë publik  në rrjetin social “Facebook” nga ana e kryeministrit të  Qeverisë së Shqipërisë në Tiranë, është që të gjithë profesionistët e kësaj fushe të kontribuojnë për t’i hapur rrugë transformimit sa më të shpejtë të sistemit shëndetësor shqiptar.

“Kam kënaqësinë të ftoj mjekët shqiptarë me karrierë jashtë vendit, të vijnë për të ndarë me ne ide e eksperienca, projektuar hapa e jetësuar nisma, që do t’i hapin rrugë transformimit sa më të shpejtë të sistemit shëndetësor shqiptar. Jemi të vendosur të bëjmë të mundur, së bashku, një shërbim shëndetësor cilësor të denjë për qytetarët tanë, suksesin tuaj dhe të nesërmen e gjeneratave të tjera. Ndaj pres me shumë kënaqësi takimin tonë, që kalon përmes kësaj PO për Shqipërinë”, shkruan Edi Rama në Facebook.

Konferenca me mjekët shqiptarë mbahet më 22 nëntor në Tiranë.

http://www.thuajiposhqiperise.org/index.php