Shqipëri: Protestuesit i vënë flakën ‘piramidës së krimit’

Pas zhvendosjes nga Kuvendi i Shqipërisë për te Kryeministria, protestuesit, që duket se janë më të paktë në numër, kanë bërë një gjest demonstrativ, duke djegur një nga “simbolet” që kanë mbajtur gjatë gjithë protestës – marshim të ditës së sotme.

Përpara Kryeministrisë, një piramidë kartoni e vizatuar me breza bardhezi, e që mbante emrin e kryeministrit Rama, për të vijuar me shënime si “PPP-Kullat”, “Pastrimi i parave”, “Oligarkët”, “Droga”, “Krimi-Blerja e votave” dhe me bazë “Rilindjen”, është djegur nga të rinjtë e FRPD-së dhe LRI-së, shkruan mediat, përcjell albinfo.ch.

Poshtë piramidës në shesh ata kishin shkruar “Rama ik” dhe kishin vendosur dhe foton e tij.